Goji Studios昨晚於FACEBOOK宣佈全線結業，指隨着去年政府收緊限聚令，健身中心被強制要求關閉數月，在無法經營的情況下，再加上市場不現實的租金，大大加重健身中心的營運負擔，指中心過去數月一直與業主磋商有關租約安排，最後未能達成共識，中心已盡力融資但仍未能力挽狂瀾，最後決定由今日起將旗下4間健身中心全線結業，客戶將過渡至Physical舒適堡。

Goji Studios (圖片來源自官網)

現時擁有Goji Studio健身會籍的用家，舒適堡Physical會提出過渡方案俾用家選擇，分別有三種

  1. 換領6個月免費健身瑜伽通行證(不會延續Goji Studios健身卡餘下的月份)
  2. 以$2500購買12個月健身卡及延續Goji Studios健身卡的餘下月份於單一分店)
  3. $399信用卡自動轉帳月付健身卡(全線分店)

首先同大家分析呢三款既過渡方案的利與弊，第一種的六個月免費健身瑜伽通行證，價值其實只有$500，本身舒適堡都一直有個優惠係做緊$1000/12個月，仲要可以去到All Club，然後要你放棄哂所有延續既權利同就咁俾張$500既優惠券你根本無分別。第二種係要你再俾多$2500先買一年再同你續之後既年數，如果本身你咁唔好彩係Goji仲有三年或以上既約，即係你又要再俾一筆去買多幾年會籍，其實一啲都唔值，因為你根本唔知舒適堡會唔會隨時都頂唔住，咁就再多重損失，第三種方案完全不值一提，仲貴過我新入會咁都叫過渡？

無論你揀邊一種方案都好，請記住所有預繳式消費都要先諗清楚。現時其實坊間都有好多每月付款的健身中心，選擇前先了解清楚環境、模式、設施及器材等等，NearFit可以助你比較全港健身中心，揀一間適合你自己既健身中心。